Ыбырай Алтынсариннің 180 жылдығына арналған «Ыбырай Алтынсарин ізбасарлары» атты өңіраралық педагогикалық форумы өтті.

  25 қараша күні Шығыс Қазақстан облысының білім басқармасының ұйымдастыруымен қазақтың аса көрнекті ағартушы-педагогы, жазушы, этнограф, қоғам қайраткері Ыбырай Алтынсариннің 180 жылдығына арналған «Ыбырай Алтынсарин ізбасарлары» атты өңіраралық педагогикалық форумы өтті. Педагогикалық форумның мақсаты – жаңартылған білім беру мазмұны шеңберінде оқу үрдісінде Ы.Алтынсариннің инновациялық педагогикалық идеяларын қолдану үшін педагог қызметкерлерді белсендіру. «Тәлімгердік – педагогті кәсіби қолдау» секциясында тарих пәнінің мұғалімі Оразалин Куат Аманжолович, «Ыбырай Алтынсарин және Ұлы даланың ағартушылық мұралары» секциясында қазақ тілі мен әдебиеті пәнінің мұғалімі Агыбаева Галия Мубараковна іс-тәжірибелерімен бөлісті.

     Форумға қатысқан 9 мұғалімнің баяндамалары форумның жинағына енеді.