13.12 күні «Абай облысының білім басқармасы» ММ-де «Жасыл мекен -2024 ж» білім беру ұйымдарының үздік аумақтарын абаттандыру бойынша облыстық байқауының нәтижесі жарияланды.

Байқау нәтижесі бойынша: Бас жүлде иегері дипломымен «Ыбырай Алтынсарин атындағы №37 гимназиясы» ұжымы марапатталды.
Гимназия ауласын көгалдандыру – ұжымның таңдауы. Безендірудің стильдік құндылығы ұлттық-этно элементтерге негізделген. Гүлдер түрлі композициялық қазақы оюларға өрнектелген. Сол жақтағы гүл аралында көздің жауын алатын түрлі түсті шырайгүлдерден «қошқармүйіз» және барқат гүлініен «су өрнегі» оюы бейнеленген. Қаламыздың көркіне айналған аспалы көпір стильінде субұрқақ эстетикалық көрініске бөлеуде.
Бірлесіп, ерікті түрде көгалдандыру жұмыстарына үздіксіз гимназия ұжымы атсалысуда. Ұжым мүшелерінің өсімдіктерді суғару , арам шөптерді жұлу, ағаш бұталарын қырқу, топырақты қопсыту сияқты жұмыстарының нәтижесі ғимарат ауласын гүл бағына айналдырды.
Ұстаздарымыз төл туындылары гимназияға архитектуралық сән беруде. Ғимараттың қарсы жағында ағартушы, педагог Ыбырай Алтынсаринге арналған монумент орнатылған.
Домбыра мен қобыз аспаптары бейнеленген «Асыл мұра» , Һәкім Абайдың «толық адам» концепциясынан сыр шертер мүсін тарихи-танымдық мәдени мұра. Шәкірттеріміз Абай армандағандай толық адамның үш қасиетін: ыстық қайрат, нұрлы ақыл, жылы жүректі болуын көздедік. Архитектуралық мүсіндер «Өткеннің өнегесі - бүгінгінің баға жетпес байлығы» екендігін естен шығармай елінің тарихын, өнерін ұмытпауға ой салуда.
Табысты ұжымның қоршаған ортаға деген сүйіспеншілігінің нәтижесі - жасыл мекенге айналған гимназия ауласының бүгінгі күнгі жеңісі!

ссылка 1​​​