Республика күні қарсаңында 23 қазан күні гимназияда “Ақ қауырсын” үйірмесінің таныстырылым кеші өтті.

Жетекшісі Омарғалиев Ерік Қайратбекұлы - осы орданың түлегі, ақын, аудармашы, жас ғалым.
Директордың тәрбие жұмысы жөніндегі орынбасары Калиева Сара Сырымқызы құттықтау сөз сөйлеп, кешті ашып берді.
Бозбала Ерікті алғаш өлең әлеміне бойлатып, ақын болуына өзіндік үлесін қосқан мектебіміздің ұстазы Нұрғамысова Шолпан Махмұтқызы Еріктің мектеп қабырғасында оқыған жылдары, ақындыққа талпыныс жолдарына тоқталды.
Кеш барысында оқушылар өз шығармашылықтары бойынша өлең оқып, ән де айтылды.

Кештің екінші бөлімінде “Отан” тақырыбында жас айтыскер ақын шәкірттер айтысқа шығып, сайысқа түсті. Қорытындысында:
Бас жүлдені - Назар Асубаев пен Адислам Айдосұлы

I орынды - Әділет Алтынбек және Ерасыл Сәкенов

II орын - Алдияр Төлегенұлы мен Азалия Увалиева

III орын - Нұртілек Нұрлыбекұлы мен Сабина Аманбекова иеленді.

Оқушыларымызды ақындыққа жақын ететін, айтыста батыл ететін, аударма саласына ғашық ететін “Ақ қауырсын” үйірмесіне шақырамыз!

📌 Балаңыз дарынды болсын десеңіз, талабын ұштай біліңіз, АТА-АНА!

#біртұтас_тәрбие_абай_облысы_семей
#апқо_абай_облысы_семей

ссылка1