Бәтташ Сыдықұлының құрметіне арналған ескерткіш тақтаның ашылу салтанаты

Бүгінгі күн 17 қаңтар біз үшін ерекше және айтулы күн. 90 – жылдары Семей қаласында тек қазақ тілінде оқытатын мектептер жоққа тән еді. Сол жылдары атаулы білім ордасын ашуға зор үлес қосқан облыстық «Қазақ тілі қоғамы» төрағасының орынбасары, Абай ауданында аудандық партия комитетінің хатшысы, Семей облыстық телерадио комитетінің төрағасы, Семей қаласының Абай ауданының «Құрметті азаматы» халықаралық «Қазақ тілі» қоғамының жоғары наградасы, «Ана тілінің айбары» белгісінің иегері, Қазақстанның оқу –ағарту ісінің озаты, Бәтташ Сыдықұлының құрметіне арналған ескерткіш тақтаның ашылу салтанаты өтті. Салтанатты жиында Семей қаласы әкімінің орынбасары Сабырбаев Айдар Серікқазыұлы бірінші болып құттықтау сөз сөйледі. Екінші Бәтташ Сыдықұлының өнегелі өмір жолын кейінгі ұрпаққа насихаттап, ағалық жолын дара жолға айналдырған, бүгінгі кешті ұйымдастыруға бірден-бір үлес қосқан туған інісі Хамит Сыдықұлы сөз сөйлеп, Бәтташ ағамыздың өткен өмірінен құнды естеліктер айтты. 2016 жылы гимназияда ашылған Бәтташ Сыдықұлы атындағы «Шешендік сөз өнері» орталығының мүшесі 11 – сынып оқушысы Аспандиярова Гүлім арнау өлең оқыды. Салтанатты жиынның бірінші бөлімінің қорытындысында гимназия директоры Жанат Зейнелқызы сөз алып, барша қонақтарды тарихи сәттің куәсі болуға гимназия алаңына шақырды. Гимназия қабырғасына ортатылған ескерткіш тақтаның лента кесу рәсімінде құттықтау сөз Халықаралық «Қазақ тілі қоғамының Вице-Президенті Қазақстан халқы Ассамблеясының мүшесі Халықаралық «Ана тілі» газетінің тілшісі Шәріпбаев Орал Тоқтарұлы құттықтау сөз сөйледі. Салтанатты іс-шарда "Сыдықовтар" әулеті және Бәтташ ағаның көзін көрген қазақ жұртына танымал игі жақсылар бас қосты. Осындай игілікті істердің куәсі болған гимназия қабырғасынан білім алған оқушылардың болашағы жарқын болуына шын жүректен тілек білдіреміз!