29.08.2023 жылы Ы. Алтынсарин атындағы гимназияда «Білім сапасын арттыруда инновациялық әдіс-тәсілдерді оқу үрдісіне енгізуді жалғастыра отырып, бәсекеге қабілетті ұрпақ тәрбиелеу» тақырыбында педагогикалық кеңес өтті.

Күн тәртібінде: 2022-2023 оқу жылындағы ҰБТ қорытындысы, 2022-2023 оқу жылында жүргізілген жұмыстар нәтижесі, 2023-2024 оқу жылына арналған гимназияның оқу-тәрбие жоспарын бекіту.

2023-2024 оқу жылына арналған сынып комплектісін және жаңа оқу жылын ұйымдастыру шараларын бекіту, 1- қыркүйек «Білім күнін» ұйымдастыру мәселелері қаралды.
Директордың бейіндік оқыту бойынша орынбасары Г.М. Жұмақсанова 2022-2023 оқу жылындағы ҰБТ қорытындысына тоқталып, биыл бітірген 95 түлегіміздің жекелеген пәндерден жинаған балдары көрсетіліп, түлектеріміздің 65% мемлекеттік грантты жеңіп алғанын атап өтті.
2022-2023 оқу жылында жүргізілген жұмыстар нәтижесін гимназия директоры Ж.З. Малгаждарова SWOT талдау жасап, 2023-2024 оқу жылына арналған гимназияның биылғы оқу жылына алда тұрған міндеттер мен мақсаттарды айқындады.
2023-2024 оқу жылына арналған сынып комплектісін және жаңа оқу жылын ұйымдастыру шараларын және 1- қыркүйек «Білім күнін» ұйымдастыру мәселелерін директордың оқу және тәрбие жөніндегі орынбасарлары таныстырды. Педагогикалық кеңес соңы ардагер ұстаздарымыз физика пәнінің мұғалімі Маржан Базарбайқызы Каштекова мен орыс тілі пәнінің мұғалімі Қожахметова Айгуль Мағзұмқызын зейнетке шығарып салу рәсімімен аяқталды.