XX ғасырдың басында ұлттық бірлікті нығайту идеясын алға тартқан рухани - зерделі игі жақсылар қазақтың ұлттық идеясын жасау міндетін өз мойнына алды.

Егемен ел, тәуелсіз мемлекет болу жолында өмірін сарп еткен Әлихан Бөкейханов, Ахмет Байтұрсынұлы, Міржақып Дулатов, Мағжан Жұмабаев, Халел Ғаббасов сынды арыс азаматтарымыз сұрқия саясаттың құрбандары болды. «Азаттық таңын аңсаған Алаш арыстарының арманы – бүгінгі Тәуелсіз Қазақстан еді. Ел тағдыры таразыға түскен сын сағатта Алаш арыстары қазақтың болашағы үшін шешуші қадам жасап, ұлы мұрат жолында ұлан-ғайыр қайрат көрсетті. Бүгінде еркіндікке қол жеткізген тәуелсіз Қазақстан - әлем жұртының алдында өзіннің даңқты ел екенін мойындата білді.
Қазақстан Республикасының Президенті Қ. Тоқаевтың 05.01.2021 жылы «Егемен Қазақстан» газетінде жарияланған «Тәуелсіздік бәрінен қымбат» мақаласы аясында айтылған тапсырмалар тізбесінің 2 – тармағын орындау бойынша және Алаш арыстарының асыл мұрасын игеруді жалғастыру мақсатында «Ыбырай Алтынсарин атындағы №37 гимназиясы» коммуналдық мемлекеттік мекемесінің тарих пәні мұғалімдері: Оразалин Қ. А., Жумаксанова Г. М., Мухамадиева Г. М., Жарылгасинова Ж.Г., Галымова Ж. М., Абсеметова Қ.Ж., Амангелді М. Ж «Бірыңғай тарих сабағы» іс -шарасы негізінде 7-11 сынып оқушыларымен «Алаш арысы – Халел Ғаббасов(туғанына 135 жыл)» тақырыбында сабақ өткізді. Сабақ барысында оқушылар Алаш арысының өмірбаяны, алғашқы еңбектегі қызмет жолы, «Алаш» партиясын қайраткері тұсындағы қазақ халқының мүддесі үшін жасаған ерен еңбегі, тағдыры жайлы бейнематериалды көріп, Халел Ғаббасов жайлы оқыған деректері бойынша өз ойларымен бөлісті. Өткізілген бірыңғай тарих сабағы барысында оқушылар білімдерін шыңдап, үлкен әсер алып шықты.
#37gymnasiumsemey
#abaybiryngaytarihsabagy