“Ұлты ұлықтаған, ұрпағы ұмытпаған Ұлы тұлға” тақырыбында 6-7 сынып оқушыларының арасында танымдық сағат өткізілді.

Бүгін “Ыбырай Алтынсарин атындағы №37 гимназиясы” КММ-де педагог ұйымдастырушы Руслан Серікханұлы және тәлімгер Бақыт Қайырбекқызының ұйымдастыруымен Ахмет Байтұрсынұлының туғанына 150 жыл толуына орай “Ұлты ұлықтаған, ұрпағы ұмытпаған Ұлы тұлға” тақырыбында 6-7 сынып оқушыларының арасында танымдық сағат өткізілді.
Оқушылар өнегелі өмір, елеулі еңбек иесі, қазақ тіл білімінің атасы жайында тың ақпараттармен танысып, білімдерін толықтырды.
Іс-шара соңында оқушылар Ахмет Байтұрсынұлы шығармашылығына бағытталған сұрақтарға жауап беріп, сыйлықтарға ие болды.
Қазақ тілі және қазақ әдебиеті пән мұғалімдері Лауса Советқызы мен Құралай Құралтайқызы оқушыларға Ахмет Байтұрсынұлының халқына қосқан өлшеусіз үлесінің маңыздылығын айтып, ұлы тұлғаның өнегесін өшірмейтін ұлағатты ұрпақ болуға шақырды.