Гимназиямыздың пікірсайыс үйірмесінің кезекті жеңісі!

2025 жылдың 17 мамырында өткен қалалық мектепаралық “Үш анық” пікірсайыс турнирінде гимназиямыздың атынан қатысқан Қадырова Тоғжан мен Бақытбекова Назерке жеңімпаз атанды!

“Kongress” интеллектуалды дебат клубының ұйымдастыруымен өткен бұл турнир — тек ой жарысы ғана емес, болашақ көшбасшылардың сөз өнері мен парасатты пайымын танытатын алаң.

АПФ (Американ парламенттік форматы) бойынша өткен сайыста оқушыларымыз өз білімдерін, логикалық ойлау мен сенімді дәлелдеу қабілеттерін жоғары деңгейде көрсете білді.

Бұл – “Кел, балалар, оқылық!” пікірсайыс үйірмесі үшін кезекті ірі жеңіс!
Бұл – біздің гимназияның шәкірттері білім мен сөз арқылы биіктен көріне алатынын дәлелдейтін сәт!

Жетекшісі: Бинұр Ахатқызы