ПРЕЗИДЕНТ ЖОЛДАУЫ: ЕЛ ДАМУЫНЫҢ ЖАҢА БАҒЫТТАРЫН АЙҚЫНДАДЫ

Мемлекет басшысы Қасым-Жомарт Тоқаевтың 2024 жылдың 2 қыркүйегінде Қазақ Халқына арнаған «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауы туған елінің ертеңіне алаң көңіл, әрбір елжанды адамға ой салып өткені хақ. 
Гимназиямыздың тарихшы ұстаздары аталған құжаттың маңызды тұстарын ұжымда талдап, Президенттің салиқалы саясатының маңыздылы мәселелерді көздеп отырғандығына тоқталып, Президент Жолдауы – дамудың бағытын бақылайтын, осы жолда нақты міндеттер мен тапсырмаларды айқындайтын, еліміздің экономикалық, әлеуметтік, кадрлық, экологиялық өркендеуіне кепілдік беретін құжат екендігін атап өтті және де қолдайтындықтарын білдіре отырып, Жолдауды ұжыммен талдап, оңтайлы тұстарына тоқталып өтті.
Жаңа Жолдау өміршең мәселелерді терең зерделеген, үлкен дайындықпен нақтыланған.
Құжаттың басты мақсаты – Ел дамуының жаңа бағытын айқындайтын Жолдаудағы маңызды мәселелерді зерделеп, ғылыми тұрғыда тұжырым жасап, қоғамға нақты дәлелдерімен толықтай түсіндірудің жолдарын қарастыру. Жолдауды Президенттің сайлауалды бағдарламасында айтылған, одан кейінгі Үкіметтің алдына қойып жүрген тапсырмаларының жалғасы ретінде қабылдаймыз. Бастысы, елдің әлеуметтік-экономикалық жағдайын көтеру мен білім сапасын арттыру мәселесіне де тоқталды. Соның ішінде негізгі бір мәселе – 6 қазанда референдум өтетіндігі анықталды. Атом электр станциясын салуға байланысты елімізде білікті эксперттер, аталған саланы зерттеп жүрген ғалымдар ой-пікірлерін білдіруде. Біздің мақсатымыз- қоғамдағы ұстаздар, ғалымдар қауымының міндеті - халыққа АЭС салудың тиімділігін, оның ел экономикасы үшін маңызын нақты фактілермен түсіндіру.
Жолдау Қазақстанның болашағын айқындайтын маңызды құжат болып табылады.

Тарих бірлестігі