«Ұлт Тәуелсіздігінің басты тұғыры – ұлттық құндылықтар» тақырыбындағы тарих пәні онкүндігі аясында

гимназиямыздың 5 сынып оқушылары арасында ұлттық құндылықтарымыздың баға жетпес құнды мұра екендігін дәріптеу мақсатында «Бір жәдігер – бір тарих тарихи» атты зерттеу сайысы өткізілді.
Мұражай – өткеннің естелігін бүгінге жеткізетін киелі орын болса, тарихи жәдігер соның құндылығы. Сол құнды жәдігерлер өзіндік тарихымен кім-кімді болмасын қызықтырмай қоймайды. Өткеннің тарихын білу – әр ұрпаққа аманат етілген парыз. Ізденгенге ілімі мол, сұрағанға сырын шерткен дүние. Осы орайда ұйымдастырылған іс – шара барысында 5 «А», «Ә», «Б», «В», «Г» сыныбының оқушылары керемет тарихи жәдігерлердің тарихын түсіндіре отырып, жасалу технологиясынан сыр шертті. Дүниелердің барлығы біздің заманымызға дейінгі қанша дәуірден жеткен тұрмыстық заттар сол заманғы адамдардың өмірінен хабар береді. Баба тарихын айшықтайтын мұраларды ұлттық құндылығымыз ретінде сақтау керектігіміз де тілге тиек етілді. Тарихы ерекше қызықтырған жәдігердің бірі – ағаштан жасалған астау болды.
Шараны қорытындылай келе, барлық қатысқан оқушылардың тарихи жәдігерлерді зерттеудегі, оны көрерменге жеткізе білудегі шеберліктері барлығын тәнті етті. Қорытындылай келе, барлық қатысушылар Алғыс хатпен марапатталды. Жәдігерлерді ұлттық құндылық ретінде насихаттай отырып, әрқайсысының бір тарих екендігін дәлелдеді.
Тарих пәнінің мұғалімі: Мұхамадиева Гүлжан Мұхаметқазықызы

ссылка1
ссылка2​​​